Elimizden Túrkııa men Ózbekstanǵa aqsha aýdaratyndar kóbeıgen

ASTANA. QazAqparat – 2022 jyldyń qańtar-qarasha aıynda jeke tulǵalar elimizden 1 trln teńgege jýyq qarjy aýdarǵan. Onyń jartysynan astamy Ózbekstan men Túrkııaǵa jiberilgen, dep habarlaıdy QazAqparat Ranking resýrsyna silteme jasap.

Qazaqstannan shetelge qarjy jiberý aqsha aýdarymy júıesi arqyly júzege asqan.

Ótken jyldyń qańtar-qarasha aılarynda halyqaralyq aqsha aýdarymy júıesi arqyly shetelge 962,7 mlrd teńge jóneltildi.

Bul 2021 jyldyń sáıkes kezeńimen salystyrǵanda 4,5%-ǵa artyq.

Tranzaktsııalar sany 2,6%-ǵa, 11 aıda 2,3 mln-ǵa deıin qysqardy. Bul shetelge jiberiletin bir aýdarymnyń ortasha chegin 391,5 myńnan 419,9 myń teńgege deıin ulǵaıtty.

2022 jylǵy qańtar-qarashada Qazaqstannan shetelge jóneltilgen qarjy aýdarymynyń jartysynan kóbi Ózbekstan men Túrkııaǵa jóneltildi. Teńgemen 276 mlrd jáne 250,5 mlrd.

Bul rette Ózbekstanǵa aýdarym kólemi ótken jylmen salystyrǵanda 0,9%-ǵa, al Túrkııaǵa birden 32,4%-ǵa ulǵaıdy.

Sondaı-aq, aqsha aýdarymynyń edáýir kólemi Reseıge (175,6 mlrd teńge) jáne Qyrǵyzstanǵa (71,6 mlrd teńge) jiberildi.

Grýzııaǵa jóneltiletin aýdarymnyń da aıtarlyqtaı óskeni baıqaldy. ıAǵnı 2,5 ese nemese 64,8 mlrd teńgege deıin.

Túrkııa men Grýzııa mobılızatsııadan qashqan reseılikter úshin tanymal baǵyttar ekenin atap ótken jón.

Aqsha aýdarym júıesi boıynsha ótken jyly qańtar-qarashada elimizden shetelge jóneltilgen qarajattyń jalpy kóleminiń 76,7% tek reseılik «Altyn tájge» (Zolotaıa korona) tıesili. ıAǵnı 738,5 mlrd teńge.

Odan keıin Contact (128,9 mlrd teńge) jáne Western Union (59,9 mlrd teńge) júıesi tur.