Elimizdegi JOO janynan jazǵy akademııalyq mektepter ashylady
NUR-SULTAN. QazAqparat - Bilim jáne ǵylym mınıstri Kúlásh Shámshıdınova joǵary oqý oryndary janynan jazǵy akademııalyq mektepterdi ashý josparlanyp otyrǵanyn málim etti, dep habarlaıdy QazAqparat tilshisi.
«Djon Hopkıns ýnıversıtetinde jylyna 10 myńnan astam joǵary synyp oqýshylary jazǵy demalystaryn ótkizedi. Júzdegen taqyryptardy zerdelep, zertteý jumystarymen aınalysady. Osy lagerden ótken jastardyń ishinen 37 Nobel laýreaty shyqqan. Sońǵy jyldary elimizdegi Nazarbaev Ýnıversıteti, QBTÝ, AlmaU da jazǵy mektepter uıymdastyryp júr. Bıyl respýblıkadaǵy basqa da joǵary oqý oryndary janynan jazǵy akademııalyq mektepterdi ashý balalardy demalyspen qamtýmen qatar, olardyń biliktilik deńgeıin joǵarylatar edi», - dedi Kúlásh Shámshıdınova Úkimet otyrysynda.
Eske sala ketsek, búgingi Úkimet otyrysynda Asqar Mamın Bilim jáne ǵylym mınıstrligine balalardyń jazǵy demalysyn joǵary deńgeıde uıymdastyrý úshin tıisti jol kartasyn ázirleýdi júktegen bolatyn. Otyrys barysynda Premer-Mınıstr balalardyń jazǵy demalysyn uıymdastyrý baǵytyndaǵy Bilim jáne ǵylym mınıstrliginiń bastamalaryna qoldaý bildirdi.
