Elimizdegi joǵary oqý oryndarynyń tehnıkalyq jáne bıologııalyq mamandyqtarynda jyl saıyn túlekter arasyndaǵy baıqaý artyp keledi - M.Sarybekov
ANA. 13 jeltoqsan. QazAqparat /Marlan Jıembaı/ - Elimizdegi joǵary oqý oryndarynyń tehnıkalyq jáne bıologııalyq mamandyqtarynda jyl saıyn túlekter arasyndaǵy baıqaý artyp keledi.
Keshe elordadaǵy «Nazarbaev ýnıversıtetiniń» Senat zalynda 11-synyp oqýshylary arasynda matematıka, fızıka, hımııa jáne bıologııadan ІІІ Prezıdenttik olımpıadanyń jeńimpazdaryn marapattaý rásiminde sóz alǵan QR Bilim jáne ǵylym vıtse-mınıstri Mahmetqalı Sarybekov osyndaı pikir bildirdi.
Quramyna Qazaqstan, Reseı, Belarýs JOO-larynyń belgili ǵalymdary kirgen qazylar alqasynyń jyl saıyn Prezıdenttik olımpıadany ótkizý sapasy artyp keledi degen pikirin jetkizgen ol: «Qazaqstannyń barlyq óńirinen bas qosqan 127 oqýshy 2 kún boıy «Nazarbaev ýnıversıtetinde» bilim jarystyrdy. Bul oraıda bilim ordasynyń barlyq dárishanalary paıdalanýǵa berilgenin basa aıtqym keledi. Búgin saltanatty jaǵdaıda olımpıadanyń 13 jeńimpazy marapattaldy», - dedi.
Vıtse-mınıstrdiń atap ótýinshe, Memleket basshysy N.Nzarbaevtyń kúsh-jigeriniń arqasynda sońǵy jyldary matematıkaq jáne jaratylystaný ǵylymdarynyń mártebesi birshama artyp otyr. Sondaı-aq el joǵary oqý oryndarynyń tehnıkalyq jáne bıologııalyq mamandyqtarynda da jyl saıyn túlekter arasyndaǵy baıqaý artyp keledi.
M.Sarybekovtyń alǵa tartqan derekterine qaraǵanda, aǵymdaǵy jyly «Nazarbaev ýnıversıtetine» 400-den astam stýdent qabyldansa, olardyń 100-den astamy - túrli baıqaýlardyń jeńimpazdary atanǵan daryndy jastar.
