Elimizdegi joǵary oqý oryndarynyń 72 paıyzy - jekemenshik

ASTANA. QazAqparat - Qazaqstanda bıylǵy oqý jylynda jumys istep turǵan joǵary jáne joǵary oqý ornynan keıingi bilim mekemeleriniń sany – 116. Bul jaıynda Ulttyq statıstıka bıýrosyna silteme jasap QazAqparat habarlaıdy.

Onyń ishinde 105 uıym magıstranttardy, 73 uıym doktoranttardy jáne 18 uıym-rezıdentýra tyńdaýshylaryn daıarlaıdy.

Joǵary bilim berý baǵdarlamalaryn júzege asyratyn uıymdardyń 72,4% – jekemenshikte, 25,9% – memlekettik, 1,7% - sheteldik menshikte.

2022-2023 oqý jylynda respýblıkanyń joǵary jáne joǵary oqý ornynan keıingi bilim berý uıymdarynda 36,4 myń oqytýshy jumys istep júr.

Onyń ishinde magıstrler - 39%, ǵylym kandıdattary - 29%, dotsentter - 13%, fılosofııa doktorlary (PhD) - 10%, ǵylym doktorlary - 7%, professorlar - 6% jáne beıini boıynsha doktorlar - 1%.