Elimizdegi joǵary oktandy benzınniń baǵasyn kóterý qajet - «QazMunaıGaz» kompanııasy
ANA. Qazannyń 30-y. QazAqparat /Arman Asqarov/ - Elimizdegi joǵary oktandy benzınniń tapshylyǵyn tómendetý úshin osy ónimniń kóterme baǵasyn 80-85 teńgege deıin kóterý qajet.
Bul týraly búgin «QazMunaıGaz» UK» AQ-nyń Munaıdy óńdeý jáne marketıng jónindegi basqarýshy dırektory Danııar Taesov aıtty, dep habarlaıdy QazAqparat.
Onyń paıymdaýynsha, qazirgi kezde Qazaqstanda dızel otyny jáne AI-80 markaly benzınniń tapshylyǵy joq. «Qala halqy júretin joǵary oktandy benzınniń azdyǵy baıqalady. Osy sanattaǵy ónim Reseıden ákelinedi. Bizdińshe, qazirgi tapshylyq jaǵdaıynan shyǵý úshin kóterme baǵa salasyndaǵy saıasatty ustanyp, joǵary oktandy benzınniń baǵasyn 80-85 teńgege deıin ósirý qajet dep oılaımyz», deıdi D.Taesov.
