Elimizdegi jekemenshik JOO-lardyń jaı-kúıi talqylanady
ASTANA. 13 naýryz. QazAqparat - Erteń Almatyda elimizdiń Joǵary oqý oryndarynyń qaýymdastyǵy QR Bilim jáne ǵylym mınıstrliginiń nusqaýy boıynsha jekemenshik joǵary oqý oryndarynyń jınalysyn ótkizedi.
Atalǵan jıynǵa Bilim jáne ǵylym vıtse-mınıstri, professor M.Orynhanov jáne Qazaqstannyń 85 jekemenshik oqý oryndarynyń rektorlary men prorektorlary qatysady.
Elbasy N.Nazarbaevtyń 10 baǵyttan turatyn bıylǵy «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna arnalǵan dástúrli Joldaýynyń jetinshi baǵytynda «Oqý úrdisindegi tárbıe jumystaryn kúsheıtýimiz kerek» dep atap kórsetilgen bolatyn. Osy baǵytta atqarylýy tıis sharalar atalǵan jınalystyń kún tártibine shyǵady. Alqaly jıynnyń negizgi maqsaty - jekemenshik joǵary oqý oryndarynda tárbıe jumysyn júrgizý, jetildirý. Sonymen qatar, otyrysta elimizdegi jekemenshik bilim berý oryndarynyń jaǵdaıy men damý joldary qarastyrylady
«Búginde elimizde bilim berýdi damytýdyń 2011-2012 jyldarǵa arnalǵan baǵdarlamasy negizinde jekemenshik joǵary oqý oryndaryna basa nazar aýdarylyp otyr», - delingen qaýymdastyq aqparatynda.
