Elimizdegi jasóspirimderdiń jartysy osteoporoz aýrýyna shaldyqqan - Qazaqstandyq dárigerler qaýymdastyǵy
ALMATY. Maýsymnyń 2-si. QazAqparat /Názıra Eleýhan/-Osteoporoz boıynsha Qazaqstandyq dárigerler qaýymdastyǵy elimizdegi mektep oqýshylary arasynda osteoporoz aýrýynyń taralýyna balanysty jaǵdaıǵa alańdaýly. Bul jaıynda olar arnaıy ótken baspasóz máslıhatynda málimdedi,
dep habarlaıdy QazAqparat.
Atalmysh qaýymdastyqtyń prezıdenti Gúljan Ǵabdýllınanyń aıtýynsha, qaýymdastyqtyń zertteýler nátıjesi boıynsha elimizdegi jasóspirimderdiń jartysy qaýipti derttiń biri sanalatyn súıek ulpalarynyń aýrýy- osteoporoz aýrýyna shaldyqqan. «Ókinishke qaraı, bul máselege ata-analardyń jiti kóńil bólmeıtindiginen, durys tamaqtanbaǵandyqtan, gazdalǵan sýsyndardy, fastfýd taǵamdardy paıdalaný, sút ónimderin jetkilikti mólsherde qoldanbaǵandyǵynan osyndaı másele búgingi kúni ózekti bolyp otyr", dep atap ótti ol.
Jıyn barysynda dárigerler ınfektsııalyq aýrýlar emes, osteoporoz álem boıynsha 4-shi oryndy alatyndyǵyn atap ótti. Búgingi ýaqytta aýrý belgileri bilinbeı júretindikten bul aýrý «únsiz epıdemııa» degen ataýǵa ıe bolǵan. Osteoporoz aýrýyna shaldyqqan adamdardyń 1 paıyzy ǵana bul aýrý ózinde bar ekendigin biledi eken.
Mamandardyń aıtýynsha, bul aýrý ıod tapshylyǵynan bolady. Osynyń kesirinen qalqansha bezderiniń jumysy nasharlaıdy, munyń aqyry osteoporozǵa ákep soqtyrady.
