Elimizdegi jasóspirimderdiń 50 paıyzǵa jýyǵy sozylmaly aýrýlarmen aýyrady

Depýtattyń sózine qaraǵanda, jıi kezdesetin sozylmaly aýrýlardyń sıpatyna kelsek, olardyń basym bóligi sport pen dene shynyqtyrýǵa belsendiliktiń bolmaýynan týyndaǵan. «Al mektepte oqý barysynda balalardyń kórý qabiletiniń buzylýy bes esege artady. As qorytý aǵzasy men tirek-qımyl apparatyna qatysty aýrýlarǵa shaldyǵý 3 esege artady. Sońǵy 5 jylda aýrý túrleriniń jıiligi da kóterile túsken. Máselen, jasóspirimder arasyndaǵy qan azdyǵy aýrýy 2,3 paıyzǵa ósip, eresekterge qaraǵanda bul kórsetkishten eki esege artqan», - deıdi G. Yqsanova.

Budan bólek, depýtat jasóspirimderdiń áskerge jaramdylyq kórsetkishi de tómendep bara jatqanyyn alǵa tartty. «Densaýlyq saqtaý mınıstrliginen málimetter suratqan edik. Soǵan sáıkes, sońǵy 2012 jylǵy kúzgi shaqyrtýlarǵa qatysty medıtsınalyq jaramdylyq derekteri boıynsha, 104 myń jasóspirimniń 29 myńy áskerge ýaqytsha jaramsyz bolǵan. Al 11 myńnan astamy beıbit ýaqyttaǵy áskerı qyzmetke jaramsyz dep tanylǵan. ıAǵnı, shaqyrtylǵan balalardyń jartysyna jýyǵy ásker qataryna jaramsyz bolyp tabylady. Buǵan kóptegen sebepter bar. Al onyń bastysy sporttyq nysandardyń qoljetimsizdigi», - deıdi depýtat.