Elimizdegi jas juptardyń psıhoemotsıonaldy jaı-kúıine tegin taldaý júrgiziledi
NUR-SULTAN. QazAqparat – «En baqytty el» qoǵamdyq qory «Jastar arasynda otbasylyq qundylyqtardy nyǵaıtý jónindegi is-sharalardy ınstıtýtsııalandyrý» jobasyn iske asyrý aıasynda otbasyn qurǵysy keletin jastarǵa tegin keńes beredi, dep habarlaıdy QazAqparat tilshisi.
Atalǵan qordyń málimetinshe, kórsetiletin qyzmetter toptamasyna juptyń psıhoemotsıonaldy jaı-kúıine taldaý kiredi. Konsýltatsııalardy psıhologtar, koýchter jáne medıatorlar júrgizedi. Sonymen qatar mamandardyń keńesi ajyrasý aldynda turǵan jas otbasylar úshin de paıdaly bolmaq.
«Biz ajyrasýdyń negizgi sebebin jáne múmkin bolatyn qolaıly sheshimderdi túsinýge kómektesemiz. Testileý men keńes berý tek qupııalylyq sharttaryn saqtaýdy eskere otyryp júrgiziledi», - dep atap ótedi qordan.
Jas juptarǵa arnalǵan tegin keńester qashyqtyqtan onlaın formatta, 8777 225 27 56 telefon nómirine aldyn ala jazylý arqyly júrgiziledi.
«Eger sizdiń ómirińizde osy máselege qatysty qıyndyqtar bolsa - qońyraý shalyńyz, suraqtar qoıyńyz, keńes alýǵa jazylyńyz. Otbasylyq jáne bala-ata-ana qatynastary salasyndaǵy mamandar qıyn jaǵdaıdan shyǵýǵa kómektesedi», - delingen taratylǵan aqparatta.
