Elimizdegi zań buzýshylyqtardyń basym bóligin urlyq qurap otyr - Q. Qasymov
ASTANA. QazAqparat - Qazaqstanda jasalatyn zań buzýshylyqtardyń 60 paıyzdan astamy urlyq qylmysymen baılanysty. Bul týraly búgin Májilistegi jergilikti polıtsııa qyzmeti taqyrybyna arnalǵan Úkimet saǵatynda Іshki ister mınıstri Qalmuhanbet Qasymov málim etti.
Mınıstrdiń aıtýynsha, Qazaqstannyń jalpy krımınogendik ahýalynda bótenniń múlkin urlaýǵa qatysty qylmystar úlesi alpys paıyzdan asady. «Tipti keıbir óńirlerde urlyqqa qatysty qylmystyń úlesi odan da joǵary. Sosyn qylmystyń basym bóligin jeńil jáne ortasha aýyr qylmystar qurap otyr. Atap aıtqanda, olardyń ishinde qalta telefony urlyǵy, kólik tonaý, qalta urlyǵy jáne taǵy basqalar bar. Halyq arasynda osyndaı usaq qylmystar keń etek alǵan. Shyndyǵynda, jurtshylyqtyń polıtsııanyń urlyqpen kúresine kóńili tolmaýy da múmkin. Óıtkeni, quqyq qorǵaý organdary urlyqpen kúrestegi ahýaldy jaqsarta almaı keledi. Degenmen, jergilikti polıtsııanyń qyzmeti osy baǵyttaǵy jaǵdaıdy jaqsartady degen úmittemiz», - dedi mınıstr Q. Qasymov.
Bul rette vedomstvo basshysy urlyqpen kúreste jalpy jurtshylyq pen ákimdikter de óz óńirlerinde jergilikti polıtsııamen birlese jumysty jandandyrýy kerek.
