Elimizdegi úzdik JOO-nyń kóshin Qazaq ulttyq ýnıversıteti bastady

Reıtıngke Ál-Farabı atyndaǵy Qazaq ulttyq ýnıversıteti, L. N. Gýmılev atyndaǵy Eýrazııa ulttyq ýnıversıteti, M. Áýezov atyndaǵy Ońtústik Qazaqstan memlekettik ýnıversıteti, S. Seıfýllın atyndaǵy Qazaq agrotehnıkalyq ýnıversıteti, akademık E. Bóketov atyndaǵy Qaraǵandy memlekettik ýnıversıteti, sondaı-aq Qaraǵandy memlekettik tehnıkalyq ýnıversıteti sekildi eń joǵary upaı jınaǵan JOO-dary kirdi. 

Joǵary oqý ornynyń básekeli artyqshylyǵynyń mańyzdy faktory - bilim berý qyzmetteriniń ulttyq jáne halyqaralyq naryqtardaǵy bedeli. Búgingi tańda reıtıngter álemdik bilim berý naryǵynyń negizgi barometrleriniń jáne áleýmettik artyqshylyqtardy qalyptastyrý quraldarynyń birine aınaldy.

Akkredıtteý jáne reıtıngtiń táýelsiz agenttiginiń ulttyq reıtıngi qazaqstandyq joǵary oqý oryndaryna ózderiniń ustanymdaryn aıqyndaýǵa, bilim berý qyzmetteriniń básekege qabilettilik deńgeıin baǵalaýǵa, JOO-nyń joǵary sapaly jumysyna járdemdesýge jáne eń bastysy - bilim alýshylardy kóptep tartýǵa jáne jumys berýshiler úshin tartymdylyqty keńeıtýge múmkindik beredi.

Joǵary oqý oryndarynyń reıtıngisin anyqtaý bilim berý júıesiniń ajyramas quraly bolyp tabylady jáne respýblıka jurtshylyǵy arasynda úlken qyzyǵýshylyq týdyrady.

2014 jyldan bastap Akkredıtteý jáne reıtıngtiń táýelsiz agenttigi júrgizetin qazaqstandyq JOO-lar reıtıngisi mańyzdy krıterııler sheńberinde baǵalanǵan QR-nyń úzdik ýnıversıtetteriniń tiziminen turady:

• talantty stýdentter, oqytýshylar jáne zertteýshilerdi tartý;
• stýdentter men professor-oqytýshylar quramynyń akademııalyq mobıldiligi;
• túlekterdi daıyndaý jáne jumysqa ornalastyrý sapasy;
• JOO men jumys berýshiler arasyndaǵy ózara is-qımyldyń joǵary deńgeıi;

• oqytýshylardyń, doktoranttar men magıstranttardyń ǵylymı jarııalanymdarynyń básekege qabilettiligi.

ARTA ulttyq reıtıngisi qoǵamǵa bilim berý qyzmetteriniń eksporttyq áleýetin arttyrýǵa yqpal etetin JOO básekege qabilettigin arttyrý quraly retinde, tulǵa retinde qalyptasý jolynda bilim alýshylardy baǵdarlaıtyn basty resýrs retinde tanylǵan.

ARTA ulttyq reıtıngisine qatysýǵa respýblıkanyń 75 JOO ótinish berdi, alaıda 17 bilim berý uıymy ótinishti durys toltyrmaǵany úshin reıtıngten shettetildi. QR 2018 jylǵy jalpy reıtıngisine 58 JOO, onyń 6 ulttyq, 21 memlekettik, 7 aktsıonerlik jáne 24 jeke menshik bilim berý uıymdary kirdi.

Tsıfrlyq reıtıng nátıjesi kelesi málimetterdi usynýǵa jáne túlekterdi, ata-analardy, jumys berýshilerdi, jalpy jurtshylyqty jáne basqa da qyzyǵýshylyq tanytqan adamdardy BAQ arqyly, ARTA-nyń resmı saıty arqyly aqparattandyrýǵa múmkindik berdi:

• TOP-20 QR JOO-larynyń jalpy reıtıngisi.

• Bakalavrıattyń bilim berý baǵdarlamalary boıynsha Qazaqstan Respýblıkasy JOO-larynyń reıtıngisi (baǵyttar boıynsha);
• Magıstratýranyń bilim berý baǵdarlamalary boıynsha Qazaqstan Respýblıkasy JOO-larynyń reıtıngisi;
• PhD doktorantýranyń bilim berý baǵdarlamalary boıynsha Qazaqstan Respýblıkasy JOO-larynyń reıtıngisi;

Akkredıtteý jáne reıtıngtiń táýelsiz agenttigi júrgizetin TOP-20 joǵary oqý oryndarynyń jalpy reıtıngisi saralaýdyń mańyzdy krıterııleri boıynsha barlyq negizgi kórsetkishterdiń esebin shyǵarý tásili arqyly anyqtaldy.

Kósh basyndaǵy alǵashqy úshtikti mamandardy daıarlaýdyń bilim berý baǵdarlamalarynyń árbir baǵyty boıynsha maksımaldy kórsetkishterge qol jetkizgen JOO-lar aldy. Reıtıngtiń kelesi oryndaryn JOO úshin basymdyqty baǵyttar boıynsha usynylǵan, mamandardy daıarlaýǵa arnalǵan bilim berý baǵdarlamalarynyń básekege qabilettilik deńgeıi baǵalanǵan JOO-lar ıelendi.

Osylaısha, Akkredıtteý jáne reıtıngtiń táýelsiz agenttiginiń kópvektorly reıtıngisi joǵary oqy oryndarynyń túrli salalaryn qamtı otyryp, olardy odan ári damytýdyń áleýeti, resýrstary jáne basymdyqtary týraly egjeı-tegjeıli aqparat alýǵa, sondaı-aq bilim berý mekemeleriniń bedelin jáne tanymaldyǵyn arttyrýǵa jol ashady. Munyń bári túlekterge - oqý ornyn tańdaýdyń, al ata-analarǵa, jumys berýshilerge jáne qoǵamǵa - joǵary senimniń irgeli faktory.

Qazaqstannyń úzdik 20 JOO-nyń reıtıngisi