Elimizdegi úzdik ǵylymı qyzmetkerlerge 5 mln teńgeden grant berilmek

NUR-SULTAN. QazAqparat – Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady, dep habarlaıdy QazAqparat tilshisi.

Qujattyń negizgi maqsaty - ǵylymı, ǵylymı-tehnıkalyq qyzmet jáne onyń nátıjelerin kommertsııalandyrý salasyndaǵy zańnamany jetildirý.

Májilisiniń depýtaty Jámılá Nurmanbetovanyń aıtýynsha, zań jobasynda ulttyq ǵylymı keńesterge kommertsııalandyrý jobalaryn memlekettik bıýdjetten qarjylandyrý bóliginde fýnktsııalar berý kózdeledi.

Konkýrstyq rásimderdiń ashyq bolýy maqsatynda Ulttyq memlekettik ǵylymı-tehnıkalyq saraptama ortalyǵyna:

- ǵylymı, ǵylymı-tehnıkalyq jobalar men baǵdarlamalardyń, ǵylymı, ǵylymı-tehnıkalyq qyzmet nátıjelerin kommertsııalandyrý jobalarynyń saralanǵan tizimin qalyptastyrý jáne ulttyq ǵylymı keńesterge jiberý;

- ǵylymı, ǵylymı-tehnıkalyq qyzmet nátıjelerin kommertsııalandyrýdyń oryndalǵan jobalarynyń nátıjelerin baǵalaý jáne nátıjeliligine monıtorıngti júzege asyrý jónindegi fýnktsııalardy berý usynylady.

«Úzdik ǵylymı qyzmetkerlerge «Úzdik ǵylymı qyzmetker» ataǵyn berý jáne 2000 aılyq eseptik kórsetkish mólsherinde grant berý arqyly olardy materıaldyq kótermeleý qarastyrylyp otyr», - dedi Jámılá Nurmanbetova.