Elimizdegi úshinshi alyp tý Túrkistan tórinde jelbiredi
Tý tuǵyrdyń bıiktigi - 62,5 metr. Al, baıraqtyń eni 12 metr bolsa, uzyndyǵy 24 metr. Rámizder alańnyń saltanatty ashylýyna oblys ákimi Janseıit Túımebaev qatysty.
«Elbasymyz N.Nazarbaevtyń «Təýelsizdik - Altyn kúmbez deıtin bolsaq, sol kúmbezdi tirep turǵan tórt belgi - rəmizderimiz bar. Onyń birinshisi - Eltańba, ekinshisi - Ənuran, úshinshisi - Kók baıraq, tórtinshisi - qazaq tili» degen sózi bar. Sondyqtan Egemendi elimizdiń qasıetti nyshandaryn qadirleý - Qazaqstandy - Otanym dep esepteıtin árbir azamattyń paryzy dep esepteımin. Rámizder - bizdiń ulttyq arymyz ben namysymyz. Endeshe búgingi ashylyp otyrǵan «Rámizder alańyna» qurmetpen qarap, namysymyzdy qorǵaı bileıik degim keledi», - dedi oblys ákimi.
Bekzat Sattarhanov dańǵylynyń boıynda salynǵan alańda Qazaqstan Respýblıkasynyń Memlekettik rámizderi kórinis tapqan jáne eldik muratty meńzegen Elbasy men qazaq eli qaıratkerleriniń qanatty sózderi jazylǵan arnaıy tas taqtalar sap túzegen.
Nysannyń qurylysyn «Túrkistan Jaryq Tazalyq» JShS júrgizgen. Rámizder alańyn salýǵa jergilikti bıýdjetten 230 mıllıon teńge kóleminde qarjy bólinip, sol aqsha tolyǵymen ıgerilip, abattandyrý jumystary júrgizildi. Onda túrli shaǵyn sáýlet nysandary men sý burqaǵy, oryndyqtar, gúlzarlar ornatylyp, dekoratıvti aǵashtar otyrǵyzylǵan.
