Elimizdegi taǵy bir banktiń mobıldi qosymshasy ınternetsiz jumys isteıdi

NUR-SULTAN. QazAqparat - Sber Bank Tsıfrlyq damý, ınnovatsııalar jáne aeroǵarysh ónerkásibi mınıstrligi (TsDIAÓM) men Qazaqstan Ulttyq bankiniń kómegimen mobıldi qosymshanyń jumysy qalpyna keltirilgenin, endi onyń ınternetsiz jumys isteıtinin habarlaıdy.

Bank fılıaldarynyń bas ofısteriniń bólimshelerindegi bankomattardy Qazaqstannyń barlyq aımaqtarynda shtattyq tártipte qoldanýǵa bolady, al Almaty jáne Almaty oblysynda bankomattardyń jumysy eldegi jaǵdaı turaqtalǵanda qalpyna keltiriledi.

Sondaı-aq Bank terrorızmge qarsy operatsııalar barysynda qaza tapqan áskerı jáne quqyq qorǵaý organdarynyń qyzmetkerleri qataryndaǵy klıentterdiń qoldanystaǵy nesıelerin keshiredi.

Sber Bank qaıtys bolǵan azamattardyń jaqyndary men týystaryna qaıǵyryp kóńil aıtady.

Sonymen qatar qańtar aıynyń sońyna deıin zańdy jáne jeke tulǵalardyń nesıeleri boıynsha aıyppuldar men ósimpuldardy esepteýdi toqtatý týraly sheshim qabyldandy.

Buǵan deıin belgili bolǵandaı, Halyq Hoýmbank pen Kaspıdiń tólem servısterin qoldanýǵa bolady.