Elimizdegi sport nysandary tek bizdiń maqtanyshymyz bolyp qana qoımaı, halyqqa qyzmet etýi tıis - T.Jaılaýov
ASTANA. 11 aqpan. QazAqparat /Aıdar Ospanalıev/ - «Búgin Qazaqstan shyn máninde álemdik oqıǵalardyń ortalyǵyna aınalyp otyr.
Eýropadaǵy qaýipsizdik jáne yntymaqtastyq uıymynyń Sammıti, Azıada - bulardyń barlyǵy álemdegi aıtýly oqıǵalar jáne olardyń barlyǵy ózge elde emes, Qazaqstanda ótti. Bul bizdiń búkilhalyqtyq jeńisimiz», - dedi búgin «Nur Otan» Halyqtyq demokratııalyq partııasynyń XIII sezinde sóılegen sózinde shaıbaly hokkeıden Qazaqstan quramasynyń kapıtany, Azıada chempıony Talǵat Jaılaýov.
«Men sportshy retinde elimizdiń chempıondary álemdik dodalarda jeńimpaz atanǵan kezde shyn júrekten maqtanamyn. Al sportty jańa bastaǵan jastarǵa tipti qyzyǵamyn. Óıtkeni olarǵa arnalyp elde qanshama sport qurylystary salynyp, qanshama jaǵdaı jasalyp jatyr. Azıadaǵa arnap salynǵan sporttyq nysandar - elimiz maqtanysh etetin dúnıeler. Qysqy Azııa oıyndary aıaqtalǵan tusta elimizdegi sport nysandary tek bizdiń maqtanyshymyz bolyp qana qoımaı, halyqqa qyzmet etip, jastardy tárbıeleýge yqpalyn tıgizse degen oıdamyn», - dedi qurama kapıtany.
Onyń sózine qaraǵanda, búginde kóptegen qalalarda dopty hokkeıge arnalǵan jańa stadıondar salyndy. «Bul jetistikter óziniń nátıjesin kóp kúttirgen joq. Búginde hokkeı sportynan elimizdiń jetistigin barlyǵymyz kórip otyrmyz. Al sońǵy jeńisti biz Elbasyna arnadyq. Biz búkil Qazaqstandy úlken komanda dep sanaıtyn bolsaq, Elbasy Nursultan Nazarbaev bizdiń lıderimiz, bizdiń kapıtanymyz», - dedi sportshy.
