Elimizdegi sport ınfraqurylymyn damytýǵa 136 mlrd teńge bólinedi

NUR-SULTAN. QazAqparat – Qazaqstan sporttyq ınfraqurylymdardy damytýǵa 136 mlrd teńge bólinedi. Bul týraly QR Mádenıet jáne sport mınıstrligi Sport jáne dene shynyqtyrý isteri komıteti tóraǵasynyń mindetin atqarýshy Bekbolat Baıjanov aıtty, dep habarlaıdy QazAqparat tilshisi.

«Qazirgi ýaqytta sporttyq ınfraqurylymdarmen qamtý deńgeıi 49 paıyzdy qurap otyr. 2025 jylǵa deıin júzege asyrylatyn 140 jobamyz bar. Bul maqsatqa 136 mlrd teńge kózdelgen. ıAǵnı, sporttyq nysandardy birtindep salý, jańartý jáne jabdyqtaý josparymyzda tur», - dedi Bekbolat Baıjanov Ortalyq kommýnıkatsııalar qyzmetinde ótken baspasóz máslıhatynda.

Komıtet tóraǵasy mindet atqarýshy dereginshe, búginde elimizde 6,5 mln adam sportpen júıeli túrde aınalysady. Bul jalpy el turǵyndarynyń 34,2 paıyzyn quraıdy.