Elimizdegi salyq júıesin Dúnıejúzilik bank ádistemesi boıynsha esepteý usynyldy

ASTANA. QazAqparat –Kásipkerlerdiń quqyǵyn qorǵaý jónindegi ýákil Rýstam Júrsinov salyq júktemesiniń koefftsentin Dúnıejúzilik bank ádistemesi boıynsha esepteýdi usyndy, dep habarlaıdy QazAqparat tilshisi.

«2021 jylǵy iskerlik klımat» atty zertteýdiń qorytyndysy boıynsha, kásipkerlerdiń 17%-y salyqtyń tym joǵary ekenin aıtsa, 5%-y salyq organdarynyń tarapynan qysym bar ekenin aıtqan.

Salyq júktemesin esepteý ádistemesin qaıta qaraý qajet dep esepteımiz. Salyq júktemesiniń koeffıtsentin Dúnıejúzilik banktiń ádistemesi boıynsha esepteýdi usynamyz.

Qazirgi tańda búkil kásipkerler úshin eńbekke aqy tóleý qorynan shaǵyn bıznestiń arnaıy salyq rejımine biryńǵaı tólem engizý týraly túzetýler jobasy qaralyp jatyr», - dedi ol Facebook-tegi paraqshasynda.

Ulttyq ekonomıka mınıstrliginiń esebi boıynsha, memleket jalpy somasy 4,5 trln teńge bolatyn 277 túrli salyq jeńildigin usynyp otyr.

«Onyń 50%-daıy qosymsha qun salyǵy boıynsha jeńildikter. Biraq qosymsha qun salyǵyn saralap taǵaıyndamasa, qazirgi jeńildikterdi saqtap qalý múmkin emes.

Qazirgi tańda Prezıdent tapsyrmasy boıynsha, Salyq saıasatynyń uzaq merzimdi tujyrymdamasy ázirlenip jatyr. Bul tujyrymdama qabyldansa, atalǵan problema sheshimin tabady dep úmittenemin», - deıdi Rýstam Júrsinov.

Foto: www.facebook.com/rzhursunov