Elimizdegi rıeltorlyq qyzmetti memlekettik retteý qajet - T. Ómirzaqov
ASTANA. 13 aqpan. QazAqparat - Qazaqstandaǵy rıeltorlyq qyzmetti memlekettik retteý qajet. Búgin Májilistiń jalpy otyrysynda Premer-Mınıstr Serik Ahmetovke saýal joldaǵan depýtat Tursynbek Ómirzaqov osylaı málim etti.
Depýtattyń aıtýynsha, búgingi tańda elimizde turǵyn úıdi jalǵa berý naryǵy belsendi damyp keledi. Degenmen, osy naryqtyń edáýir bóligi «kóleńkeli» bolyp otyr. Al mundaı jaǵdaılardy deldarlar, onyń ishinde kásibı emes rıeltorlar paıdalanyp jatyr.
«Statıstıka agenttiginiń derekterine sáıkes 2013 jylǵy 1 qańtarda jyljymaıtyn múlik operatsııalarymen aınalysatyn 15,4 myń zańdy tulǵalar tirkeldi. Jyljymaıtyn múlik operatsııalarynan túsetin tabystyń úlesi jalpy ishki ónimge 7 paıyzdy qurap, 2012 jylǵy qańtar-qyrkúıek aılarynda 1,5 trln. teńgege jetti. Osyndaı jaǵdaı bola tura, Qazaqstanda rıeltorlyq qyzmet memleket tarapynan esh rettelmeıdi. Nátıjesinde rıeltorlyq qyzmet naryǵynyń jaǵdaıy týraly dáıekti aqparat joq. Kásibı emes rıeltorlar sanynyń artýy azamattardyń quqyqtaryn óreskel buzady», - deıdi T. Ómirzaqov.
Onyń aıtýynsha, damyǵan elderde memleket rıeltorlyq qyzmetti retteýge belsendi aralasyp, eń bastysy, azamattardyń quqyqtaryn qorǵaýdy jolǵa qoıa alady. Máselen, Germanııada, AQSh-ta, Kanadada rıeltorlarǵa qatysty naqty talaptar qoıylǵan, keıbir elderde rıeltorlyq qyzmet lıtsenzııalanady. Ulybrıtanııada, Belgııada, Ispanııada rıeltorlyq qyzmetter naryǵyn retteý fýnktsııasy ózin-ózi retteý uıymdaryna berilgen.
«Osyǵan oraı Qazaqstanda rıeltorlyq qyzmettiń órkenıetti damýyn memlekettik retteý qajet», - deıdi depýtat.
