Elimizdegi poıyz jumysyn jaqsartýǵa Germanııadan mamandar tartylady
NUR-SULTAN. QazAqparat – «Jolaýshylar tasymaly» AQ bas dırektory Mıhael Kortıým vagondarda tazalyq pen qyzmet sapasyn jaqsartýǵa ýáde berdi, dep habarlaıdy QazAqparat tilshisi.
«Talgoǵa alǵash otyrǵanymda maǵan ol aıtarlyqtaı unady. Standartty poıyzdarmen de júrip kórdim. Bári de taza kórindi. Jolserikterdiń barlyǵy jaqsy kóńil-kúımen qyzmet etti. Buǵan qosa, «Jolaýshylar tasymaly» AQ qazirgi ýaqytta «Doıchebann» ókilderimen tyǵyz jumys júrgizý ústinde. Biz aldaǵy ýaqytta jolaýshylar tasymalynyń jańa strategııasyn ázirleımiz», - dedi ol elordada ótken baspasóz máslıhatynda.
Onyń aıtýynsha, aldaǵy ýaqytta qyzmet sapasyn arttyrýǵa basymdyq berilmek.
«Jergilikti komandany óz mindetin atqarýda jetkilikti dárejede quzyretti dep esepteımin. Dese de, «Doıchebannan» áriptesterimizdi shaqyryp otyrmyz. Osylaısha, ýaqyt óte kele komandany kúsheıtý josparda bar», - dedi ol.
Eske sala ketsek, «Jolaýshylar tasymaly» AQ-tyń jaqynda ǵana taǵaıyndalǵan bas dırektor Mıhael Kortıým buǵan deıin jaýapty mekemeniń jumys josparymenbólisken edi.
