Elimizdegi ortasha aılyq ataýly jalaqy 100 866 teńgeni qurady
ASTANA. 15 qańtar. QazAqparat - 2012 jylǵy qarashada halyqtyń jan basyna shaqqandaǵy ortasha ataýly aqshalaı tabysy 51738 teńgeni qurady. Bul týraly búgin QR Statıstıka agenttiginiń tóraǵasy Álıhan Smaıylov 2012 jylǵy áleýmettik-ekonomıkalyq damý qorytyndylaryna arnalǵan brıfıngte málimdedi.
Onyń aıtýynsha, 2012 jylǵy qarashada qyzmetkerlerge eseptelgen ortasha aılyq ataýly jalaqy 100866 teńgeni qurady. Bul 2011 jylǵy qarashaǵa qaraǵanda 9,9% ósti degen sóz. Naqty jalaqy ındeksi 2011 jylǵy qarashaǵa 104,1% qurady.
2012 jylǵy jeltoqsanda jumyssyzdar sany baǵalaý boıynsha 474,7 myń adamdy qurady. Jumyssyzdyq deńgeıi ekonomıkalyq belsendi halyq sanyna shaqqanda 5,3 paıyzdy qurady. Jumyspen qamtý organdarynda jumyssyzdar retinde tirkelgender sany 2012 jylǵy jeltoqsannyń sońyna 34,6 myń adamdy qurady nemese ekonomıkalyq belsendi halyq sanynan 0,4%.
