Elimizdegi óńirlik JOO-larǵa «ulttyq» mártebesin berý usynyldy

NUR-SULTAN. QazAqparat – Qazaqstanda óńirlik ýnıversıtetterge «ulttyq» mártebesin berý usynyldy, dep habarlaıdy QazAqparat tilshisi.

«Otandyq JOO-nyń qurylymyn ózgertý ózekti máseleniń biri. Sanaýly joǵary oqý ornyn ǵana sonymen qatar mádenıet, ǵylym jáne óner uıymdaryna «ulttyq» mártebesin engizý prıntsıpteri de mańyzdy. Bizde tek Nur-Sultan men Almaty qalasynda ǵana birneshe ýnıversıtetke ulttyq mártebesi berilgen. Sonda basqa óńirlerdegi JOO ultqa qyzmet etip jatqan pa? Osy oraıda birqatar óńirlik joǵary oqý oryndaryna «ulttyq» mártebesin berýdi usynamyn», - dedi L. Gýmılev atyndaǵy EUÝ-nyń rektory Erlan Sydyqov repýblıkalyq rektorlar keńesiniń otyrysynda.

Onyń aıtýynsha, ulttyq mártebege ıe óńirlik ýnıversıtetterdiń sany jetkilikti.

«Atalǵan mártebe óńirlerde joǵary bilim berýdiń jańa lokomatıvterin qalyptastyrýǵa qarqyn beredi. Bul búkil joǵary bilim berýdiń múddesine saı dep oılaımyn. Memleket basshysynyń jańa Qazaqstan tujyrymdamasyndaǵy basty prıntsıpterdiń biri. ıAǵnı myqty ortalyq, myqty óńir», - deıdi ol.

Buǵan deıin ýnıversıtet basshysy Qazaqstanda 5 qyrkúıekti stýdentter kúni etip bekitý ıdeıasyn usynǵan edi.

Aıta keteıik, búgin elordadaǵy L. Gýmılev atyndaǵy Eýrazııa ulttyq ýnıversıtetinde respýblıkalyq rektorlar keńesiniń otyrysy ótti.