Elimizdegi oqýshylardyń úzdik jobalary halyq tutynatyn taýarǵa aınalmaq

ASTANA. QazAqparat - Qazaqstandyq daryndy oqýshylardyń úzdik jobalary taıaý arada turmystyq buıym nemese óndiristik qajettilik retinde qoldanysqa engiziletin bolady, dep habarlaıdy «QazAqparat» HAA tilshisi.

2017 jyldyń shilde-qazan aralyǵynda uıymdastyrǵan oqýshylar olımpıadasy osyndaı nátıjege qol jetkizip otyr.  «Qazaqstan  2050» jalpyulttyq qozǵalysy ótken shilde aıynan bastap, qazan aıyna deıin Qazaqstannyń barlyq aımaǵyndaǵy mektepterden «Jasyl energetıka», «ІT», «Modeldeý jáne robototehnıka», «Turmysqa paıdaly ónertabystar» taqyryptary boıynsha oqýshylardyń jobalaryn qabyldaǵan. Kelip túsken 200-ge jýyq jobanyń ishinen sarapshylar toby 20 jobany iriktep alǵan.

«Bul 20 joba endi 2017 jylǵy 15 qarasha kúni  Nazarbaev Ýnıversıtetiniń kınozalynda kópshiliktiń qatysýymen qazylar alqasynyń aldynda qorǵalatyn bolady. Úzdik dep tanylǵan 10 jobaǵa arnaıy mentorlar bekitilip, joba ári qaraı damytylady jáne ony halyq tutynatyn taýarǵa aınaldyrý joldary qarastyrylady. Negizgi demeýshilikti bekitilgen mentorlar jasaıdy. Mentorlardyń oqýshylarmen qalaı jumys atqaryp jatqandyǵyn baqylaýǵa da bolady», - dep habarlaıdy jalpyulttyq qozǵalystyń baspasóz qyzmetinen.

Jeńimpaz oqýshylarǵa oqý granttary men baǵaly syılyqtar tapsyrylmaq. Aıta keterligi, Qazaqstanda oqýshylardyń jobalaryn óndiriske qosýǵa arnalǵan olımpıada alǵash ret ótip otyr. Olımpıadaǵa «Samruk-Kazyna Trust» áleýmettik jobalardy damytý qory, QR BǴM, respýblıkalyq «Daryn» ortalyǵy, Nazarbaev jáne Eýrazııa tehnologııalyq ýnıversıteti, «Bilim Media Group»  qory qoldaý tanytqan.