Elimizdegi oqýshylardyń barlyǵyn AQSh tájirıbesi boıynsha mektep avtobýstarymen qamtamasyz etý qajet - senator
ASTANA. QazAqparat - QR Parlamenti Senatynyń depýtaty Birǵanym Áıtimova elimizdegi mektep oqýshylarynyń barlyǵyn AQSh tájirıbesi boıynsha mektep avtobýstarymen qamtamasyz etýdi usyndy.
«Biz elimizdegi barlyq oqýshylardy, qyz bala bolsyn, ul bala bolsyn, mektepke deıin qaýipsiz jetý úshin olardy kólikpen qamtamasyz etýge tıispiz. Bul tek ata-analardyń ǵana ıyǵyna artylatyn júk emes», - dep atap ótti ol senator «Dúnıejúzilik qyz balalar kúnine» arnalǵan dóńgelek ústel barasynda.
«Búginde álemniń kóptegen elderinde mektep oqýshylaryn sary avtobýstarmen tasymaldaıdy. Máselen, AQSh-ta, Izraılde mundaı tájirıbe burynnan bar. Bizdiń elde de osyndaı jumystar atqarylýy qajet», - dedi B. Áıtimova.
Aıta keteıik, Dúnıejúzilik qyz balalar kúni 2012 jyly BUU bastamasymen 11 qazanǵa belgilengen.
