Elimizdegi oq-dári saqtaıtyn 44 nysannyń shekarasy aıqyndalady
«Qorǵanys mınıstrliginiń qoımalary men oq-dárileri bar arsenaldarynyń janynda aýmaǵynda tyıym salynǵan aımaqtar men aýdandar belgilengen jer ýchaskelerin memleket muqtajy úshin ıelikten shyǵarý, sondaı-aq oq-dárilerdi saqtaýdyń qazirgi zamanǵy qoımalaryn salý boıynsha júrgizilip jatqan jumysqa qatysty depýtattyq saýaldy qarap, mynany habarlaımyn. Qorǵanys mınıstrliginiń aqparaty boıynsha, Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtar men aýdandardyń tizbesine sáıkes (Qazaqstan Respýblıkasy Úkimetiniń 2021 jylǵy 15 qańtardaǵy qaýlysy). № 9) Qarýly Kúshterde iri kalıbrli oq-dárilerdi saqtaıtyn 44 nysannyń aınalasyndaǵy tyıym salynǵan aımaqtardyń (aýdandardyń) shekarasy aıqyndalýǵa jatady», - dedi Asqar Mamın depýtattyq saýalǵa bergen jaýabynda.
Onyń aıtýynsha, nysandardyń aınalasyndaǵy tyıym salynǵan aımaqtardyń josparlary men shemalaryn Qorǵanys mınıstrligi tıisti ákimdikterge joldaýy kerek.
Osylaısha Jer kodeksiniń 16-babynyń 10-4-tarmaǵy boıynsha, qorǵanys jáne ulttyq qaýipsizdik úshin qajet jer ýchaskelerin berý jáne alyp qoıý oblystyń, respýblıkalyq mańyzy bar qalanyń, astananyń jergilikti atqarýshy organynyń quzyretine jatady.
«Qazirgi ýaqytta 15 nysan boıynsha tyıym salynǵan aýdandardy belgileý qajettiligi joıyldy, óıtkeni olardan iri kalıbrli oq-dáriler shyǵaryldy. Qaraǵandy (4), Jambyl (4) jáne Aqtóbe (1) oblystarynda 9 nysan boıynsha kelisim bar, olar boıynsha tyıym salynǵan aımaqtar shegindegi jer ýchaskelerin ıelikten shyǵarý úshin qarjy qarajaty talap etilmeıdi. Qalǵan 20 nysan (Almaty (9), Shyǵys Qazaqstan (6), Mańǵystaý (2), Qaraǵandy (1), Túrkistan (1) oblystary men Shymkent qalasynda (1) ornalasqan. Úkimet máselelerdi keshendi jáne júıeli sheshý boıynsha sharalar qabyldaýda. Óıtkeni tyıym salynǵan aımaqtar men aýdandardyń áreketine iri eldi mekender, jeke menshik jáne basqa da múlik jatady», - delingen Úkimet bashysynyń jaýabynda.
