Elimizdegi negizgi kóshi-qon almasýy TMD memleketterimen bolýda - Á. Smaıylov
ASTANA. 15 qazan. QazAqparat - Qazaqstanǵa kóship kelgender sany 14,2 paıyzǵa azaıdy Bul týraly búgin QR Statıstıtka agenttiginde ótken brıfıngte atalǵan vedomstvonyń basshysy Álıhan Smaıylov málim etti.
«2012j jylǵy qańtar-tamyzda 2011 jylǵy qańtar-tamyzben salystyrǵanda Qazaqstanǵa kóship kelgender sany 3348 adamǵa, nemese 14,2 paıyzǵa azaıdy jáne 20235 adamdy qurady. Al Qazaqstannan ketkender sany da 1221 adamǵa, nemese 6,0 paıyzǵa azaıyp, 19273 adamdy qurady. Elimizdegi negizgi kóshi-qon almasýy TMD memleketterimen bolýda»,-dep atap ótti agenttik basshysy.
Onyń aıtýynsha, TMD elderinen kelgenderdiń jáne sol elderge ketkenderdiń úlesi, tıisinshe, 17053 (84,3%) jáne 18343 adam (95,2%) qurady. Bıylǵy qańtar-tamyzda el ishinde qonys aýdaratyn kóship-qonýshylar sany 2420 adamǵa nemese 1 paıyzǵa azaıyp, 228325 adamdy qurady. Óńiraralyq qonys aýdarý boıynsha halyq kóshi-qonynyń oń aıyrymy elimizdiń 5 óńirinde baıqaldy, onyń ishinde mólsheri jaǵynan eń kóbi Astana (13708 adam) jáne Almaty (4222 adam) qalalarynda jáne Almaty oblysynda (3933 adam).
