Elimizdegi munaı kásiporyndary óndiris kólemin keńeıtedi – keshendi jospar

ASTANA. QazAqparat – Búginde Qazaqstandaǵy 295 munaı-gaz ken ornyn 104 kásiporyn ıgerip jatyr. Bul týraly «Іri munaı-gaz jáne munaı-gaz hımııasy jobalaryn damytýdyń 2023-2027 jyldarǵa arnalǵan keshendi josparynda» jazylǵan, dep habarlaıdy QazAqparat tilshisi.

«Qazirgi ýaqytta Qazaqstanda 104 munaı-gaz óndirýshi kásiporyn 295 ken ornyn ıgerýde. Eldiń úsh iri ken ornynda – Teńiz, Qarashyǵanaq jáne Qashaǵanda el boıynsha jalpy óndiristiń 60%-yn quraıdy. Teńiz jobasyn keńeıtý jobasy sońǵy satyda tur. 2022 jyly seriktester jobanyń jańartylǵan quny men grafıgin maquldady. Aktsıonerler men Qazaqstan Respýblıkasy úshin ekonomıkalyq turaqtylyqty qamtamasyz ete otyryp, kelisilgen bıýdjet pen merzimderge sáıkes jobany iske qosý josparlanýda», - delingen «Ashyq» NQA portalynda jarııalanǵan keshendi josparda.

Óndiristi keńeıtý aıasynda bıyl jeltoqsanda uńǵyma erneýiniń qysymyn basqarý qurylǵylary iske qosylady. Al jalpy bul joba 2024 jyldyń maýsym aıynda aıaqtalýy tıis. Onyń quny 46,7 mlrd dollar.