Elimizdegi munaı-gaz kompanııalarynyń eńbekaqysyn sheteldik kompanııalar deńgeıine jetkizý qajet - U. Elýbaev
ASTANA. Naýryzdyń 3-i. QazAqparat /Qanat Mámetqazyuly/ - Elimizdegi munaı-gaz kompanııalarynyń eńbekaqysyn sheteldik kompanııalar deńgeıine jetkizý qajet. Búgin QR Parlamenti Májilisiniń jalpy otyrysynda QR Premer-Mınıstriniń atyna saýal joldaǵan depýtat Uzaqqalı Elýbaev osylaı málim etti,
dep habarlaıdy QazAqparat.
«Halyq arasynda, BAQ-ta elimizdiń qazba baılaqtaryn ıgerip jatqan sheteldik ınvestorlardyń áreketterine qatysty túsinispeýshilikke jeteleıtin pikirler jetkilikti. Bir ǵana, Atyraý oblysynda júzden astam sheteldik ınvestorlar tirkelip, jumys isteıdi. Al olardyń nemen aınalysyp jatqanyn, elge tıgizgen paıdasy qanshalyqty ekendigi, salyqty qaı deńgeıde tóleıtinin, qansha qazaqstandyq maman jumysqa tartylǵanyn qarapaıym halyq túgili depýtattar da habarsyz. Atyraý, Mańǵystaý oblystarynyń jurtshylyǵy «QazMunaıGaz» Ulttyq kompanııasynyń ókilderine óz kókeıindegi saýaldaryn qoıyp, tıisti problemalar bolsa jetkize alady. Al bundaı talap sheteldik ınvestorlarǵa múldem qoıylmaıdy. Mashkevıchtiń Eýrazııalyq toby qyzmetkerleriniń jalaqysy «QazMunaıGaz» kompanııasy qyzmetkerlerinen 39 ese kóp bolsa, «Qazaqmys» AQ qyzmetkerleriniń jalaqysy 20 esege deıin artyq», dedi depýtat. Onyń aıtýynsha, osyndaı aıyrmashylyqtyń nátıjesinde elimizdiń bilikti mamandarynyń sheteldik kompanııalarǵa qyzmetke aǵylyp jatqany baıqalady.
«Elimizdiń ulttyq munaı-gaz kompanııalar qyzmetkerleriniń eńbekaqysy elimizde qyzmet etetin ınvestorlardyń deńgeıinen kem bolmaýy qajet», dedi U. Elýbaev.
