Elimizdegi meshitter Qurban aıtta 61 myń otbasyna et taratty

ASTANA. QazAqparat - Din qyzmetkerleri qurban aıt kúnderi búkil el aýmaǵynda 61 191 otbasyna 439 tonna 943 keli qurbandyq etin taratty, dep habarlaıdy QazAqparat QMDB baspasóz qyzmetine silteme jasap.

«Qazaqstan musylmandary dinı basqarmasynyń tóraǵasy Serikbaı qajy Orazdyń tapsyrmasyna oraı, meshit taratqan qurbandyq eti qarttar, jetimder úılerine, aýrýhanalar men qoǵamdyq uıymdarǵa, áleýmettik az qamtylǵan otbasylaryna, kópbalaly januıalarǵa, jergilikti əkimdik usynǵan tizim boıynsha turmysy tómen jeke tulǵalarǵa úlestirildi. Sonymen qatar, búldirshinder men kəmeletke tolmaǵan balalarǵa arnaıy syılyqtar berildi» delingen habarlamada.

Sondaı-aq, «Qurban aıtta qýandyr» atty qaıyrymdylyq aktsııasyna el boıynsha 2 myńnan astam meshit úles qosty. Meshit janyndaǵy arnaıy oryndar men jergilikti əkimdik belgilegen nysandarda qurban shalyndy.

Aıta keteıik, bıyl musylman qaýymy qurban aıtty 21 tamyzdan bastap toılady.