Elimizdegi medıtsına uıymdaryna ınfektsııalyq qaýipsizdik boıynsha tekserý júrgizilip jatyr
ASTANA. QazAqparat – Almaty qalalyq qoǵamdyq densaýlyq saqtaý basqarmasy Ortalyq klınıkalyq aýrýhanadaǵy AITV (adamnyń ımmýn tapshylǵy vırýsy) juqtyrý oqıǵasy boıynsha anyqtalǵan olqylyqtardy joıý josparyn qurdy. Bul týraly QazAqparat tilshisiniń saýalyna joldanǵan Densaýlyq saktaý mınıstrliginiń Sanıtarııalyq-epıdemıologııalyq baqylaý komıtetiniń jaýabynda jazylǵan.
«Almaty qalasynyń qoǵamdyq densaýlyq saqtaý basqarmasy anyqtalǵan buzýshylyqtardy joıý josparyn qalyptastyryp, júzege asyrýda. Tekserý materıaldary qylmystyq jazalanatyn is-áreket belgileriniń bar-joǵyn anyqtaý úshin quqyq qorǵaý organdaryna berildi. Sondaı-aq, olqylyqqa jol bergen adamdarǵa ákimshilik sharalar qabyldandy. Buǵan qosa, qazirgi ýaqytta respýblıkanyń medıtsınalyq uıymdarynda ınfektsııalyq qaýipsizdik talaptarynyń saqtalýyna tekserý júrgizilip jatyr», - delingen tilshi saýalyna oraı joldanǵan komıtet jaýabynda.
Qosa ketsek, osy aıdyń basynda Bas prokýratýra elimizdegi 549 aýrýhanany AITV juqtyrý faktilerine tekserýdi talap etkenin habarlap edik.
Eske salaıyq, osy jyldyń maýsym aıynda Almaty ortalyq klınıkalyq aýrýhanasynda jatqan úsh naýqastan AITV anyqtalǵan bolatyn.
Keıin Densaýlyq saqtaý mınıstrligi AITV juqtyrǵan úsh naýqaspen baılanysta bolǵan 593 adam tekserilip jatqanyn málimdedi.
Artynsha osy oqıǵaǵa baılanysty arnaıy qurylǵan komıssııa naýqastarǵa kimniń kinásinen AITV juqqanyn jarııalady. Tıisinshe, birneshe medıtsına qyzmetkeri qyzmetinen ketti.
