Elimizdegi lastanǵan ózen-kólderdiń tizimi qandaı
NUR-SULTAN. QazAqparat - Sý resýrstaryn tıimdi basqarý máselesine arnalǵan halyqaralyq semınar barysynda 67 iri sý kóziniń aýyzsý retinde jaramsyz ekeni aıtylǵan bolatyn. Halyqaralyq sarapshy Anatolıı Krýtov QazAqparat tilshisine olardyń qaı óńirde ornalasqanyn aıtyp berdi.
Sarapshynyń aıtýynsha, Shyǵys Qazaqstandaǵy taý-ken kásipornyna tıip jatqan Krasnoıarka ózeni shekten tys lastanǵan jalǵyz ózen retinde tirkelipti.
«Qalypty lastandy degen 42 sý kóziniń arasynda Ertis, Esil, Jaıyq, Іle, Syrdarııa, Aıagóz, Tekes, Qaskeleń, Talǵar, Qapshaǵaı, Talǵar, Qopa, Zerendi ózenderi men Aral kóli bar. Al «qatty lastanǵan» 24 ózen-kóldiń qataryna Býrabaı jáne Balqash kólderinen bastap, Úlbi, Yrǵyz, Embi, Oıyl, Tobyl, Qobda, Nura ózenderi kirdi. Bir eskeretin jaıt, men bul aqparatty «Qazgıdromet» mekemesinen alyp otyrmyn. Atalmysh uıym Qazaqstandaǵy sý kózderiniń sapasyn udaıy baqylaýda ustap otyr», - deıdi maman.
Sarapshy sý kózderine óndiris oshaqtary men qoqys polıgondarynan zardap kóp tıetinin aıtady.
«Sý kózderin lastaýshy zattar arasynda mys, azot nıtrıti, fenol, myrysh, margenets, munaı, hrom, nıkel, magnıı, kaltsıı sııaqty 20-ǵa jýyq ýly óndiris qaldyqtary bar», - deıdi Anatolıı Krýtov.
Osy jaǵdaıdy túzetý úshin sý sapasyna jaýapty 30-dan astam maman 3 kún boıy Eýropalyq Odaq tájirıbesin úırenip, arnaıy oqý kýrsynan ótti.
