Elimizdegi qylmystyń 50 paıyzǵa jýyǵyn jastar jasaıdy - B.Saparbaev
ASTANA. QazAqparat - Elimizde jasalatyn qylmystardyń 50 paıyzǵa jýyǵyn jastar jasaıdy. Bul týraly búgin L. Gýmılev atyndaǵy Eýrazııa Ulttyq ýnıversıtetinde ótken «Elbasymen birge jastardyń qadamy» forýmynda QR Premer-Mınıstriniń orynbasary Berdibek Saparbaev aıtty.
«Sońǵy kezderi biz jastar arasyndaǵy qylmystyń kúsheıip ketkeni týraly kóptegen málimetter alamyz. Respýblıka boıynsha oryn alatyn qylmystardyń 50 paıyzǵa jýyǵy jastardyń qolymen jasalady. Byltyr 2013 jylmen salystyrǵanda qylmystylyq 12 paıyzǵa artty. Máselen, 2014 jyly 12 myńnan astam jas sottaldy. Bul - óte kóp», - dedi B.Saparbaev.
Onyń aıtýynsha, jastar arasyndaǵy qylmys boıynsha Shyǵys Qazaqstan oblysy, Almaty qalasy, Almaty oblysy, Qaraǵandy oblysy aldyńǵy qatarda tur. Osylardy aıtaı kele, B. Saparbaev forýmǵa qatysyp otyrǵan oblys ákimderiniń orynbasaralaryn jastarmen jumysty jaqsartýǵa shaqyrdy. Sonymen qatar, vıtse-premerdiń aıtýynsha, jastardyń qylmysqa kóp barýyna olardy jumyspen qamtýdyń tómen deńgeıi de áser etedi. Máselen, sońǵy 3 jylda 21 myń kolledj túlegi men 35 myń JOO túlegi jumys taba almaı júr. B. Saparbaev, sondaı-aq, jastar arasynda salaýatty ómir saltyn keń kólemde nasıhattaýdyń mańyzdylyǵyn da atap ótti. Onyń málimetinshe, jastardyń tek 13 paıyzy ǵana turaqty túrde sportpen aınalysady. Al oqýshylardy mektepterde sport úıirmelerimen qamtý deńgeıi damyǵan elderden 4 ese kem.
