Elimizdegi qylmyskerlerdiń 80%-y jumyssyzdar – ІІM

ASTANA. QazAqparat – Ortalyq kommýnıkatsııalar qyzmetinde ótken brıfıngide ІІM Ákimshilik polıtsııa komıteti tóraǵasynyń orynbasary Renat Zulqaıyrov elimizde qylmystardy kóbine qandaı sanattaǵy azamattar jasaıtynyn aıtty, dep habarlaıdy QazAqparat tilshisi.

«Qylmys deńgeıine 250-den astam faktor áser etetini ǵylymı dáleldengen. Olardyń qatarynda áleýmettik, ekonomıkalyq, geografııalyq, kóshi-qon, tabıǵı, demografııalyq jáne basqa da jaǵdaılar bar», - dep málim etti Renat Zulqaıyrov

Spıker usynǵan aqparatqa sáıkes, myna sanattaǵy qazaqstandyqtar jıi qylmys jasaıdy:

- qylmyskerlerdiń 80%-y jumyssyzdar;

- jasóspirimder arasyndaǵy qylmystardyń 47%-yn esh jerde jumys istemegen nemese oqymaǵandar jasaıdy;

- adamnyń jeke basyna qatysty qylmystardyń 50%-y mas kúıde jasalady;

- elordada qylmystyń teń jartysyn ózge aımaqtardan kelgender jasaıdy.

Renat Zulqaıyrovtyń málimdeýinshe, bul máselelerdi tek kúsh qoldaný sharalarymen sheshý múmkin emes. Sondyqtan «Qoǵammen birge qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasy» ázirlenip jatyr.