Elimizdegi qundy qaǵazdar qyzmetin eshkim baqylamaıdy - E. Bahmýtova
ALMATY. 24 qarasha. QazAqparat /Erlik Erjanuly/ - Elimizdegi qundy qaǵazdar qyzmetin eshkim baqylamaıdy. Búgin Almatyda ótip jatqan «Qazaqstannyń qor naryǵy. KASE-degi ІRO» forýmy kezinde QR Qarjy naryǵy men qarjy uıymdaryn retteý jáne qadaǵalaý agenttigi tóraıymy Elena Bahmýtova osylaı aıtty.
«Kompanııalar aktsııalaryn lıstıngke shyǵarý úshin aldymen Korporatıvtik basqarý kodeksin qabyldaıdy. Lıstıngte árdaıym bolý úshin ony udaıy oryndap otyrý kerek. Áıtse de ınvestorlar tarapynan olardyń korporatıvtik basqarý talaptaryn qadaǵalaýǵa yqylas joq. Kompanııalar úshin qandaı baǵamen bolsa da qor naryǵyna shyǵyp, baǵaly qaǵazdar shyǵarý, al ınvestorlarǵa qor naryǵyndaǵy baǵaly qaǵazdardy satyp alý mańyzdy sııaqty. Sondyqtan bizde qundy qaǵazdar qyzmetin eshkim baqylamaıdy. Satyp alynǵan aqparatty eshkim baǵalamaıdy», - deıdi E. Bahmýtova.
Onyń aıtýynsha, qor naryǵyn damýy retteýshige ǵana baılanysty emes. Uıymdasqan naryqta qoǵamdyq ınstıtýttar bolýy kerek.
