Elimizdegi kólik turaqtarynda elektromobılge arnalǵan tegin oryndar bolady

ASTANA. QazAqparat – Ekologııa, geologııa jáne tabıǵı resýrstar vıtse-mınıstri Serikqalı Muqataev elektromobılderge kóshýdi yntalandyrý baǵytynda tıisti Jol kartasynda qamtylǵan is-sharalar jóninde aıtyp berdi, dep habarlaıdy QazAqparat tilshisi.

«Gaz-motorly otynmen jáne elektr qozǵaltqyshtarymen júretin qalalyq qoǵamdyq kóliktiń úzdiksiz jumys isteýi úshin qajet ınfraqurylymmen qamtamasyz etý júrgiziledi. Osy oraıda dızel otynymen júretin avtokólikti satyp alýdy kezeń-kezeńmen shekteý (oryndaýshylar - Almaty jáne Astana qalalarynyń ákimdikteri) eskerilgen», - deıdi Serikqalı Muqataev Májilis depýtattarynyń saýalyna bergen jaýabynda.

Sonymen qatar ol elektromobılder úshin ınfraqurylymdy ornatýdy damytý jáne yntalandyrý jumystary atqarylatynyn jetkizdi.

«Munymen qosa, «elektromobılder turaǵy» arnaıy belgisin ázirleý jáne elektromobılderge arnalǵan trotýar úlgisindegi aqyly avtokólik turaqtarynda tegin oryndardy bólý eskerilgen», - dedi vıtse mınıstr.

Onyń sózine qaraǵanda, bul jumysqa Almaty jáne Astana ákimdikteri jaýapty.

Budan buryn habarlanǵandaı, QR Úkimeti Astana jáne Almaty qalalarynyń ekologııalyq problemalaryn keshendi sheshý turǵysynda Jol kartasyn ázirledi.

Osy oraıda tehnıkalyq baıqaý operatorlarynyń jaýapkershiligine qatysty talaptar kúsheıtilmek.