Elimizdegi qoǵamdyq saıası turaqtylyqty qamtamasyz etýge baǵyttalǵan ınstıtýttyń álemde balamasy joq - Eva Akrachkova
«Bıyl mereıtoı aıasynda Astanada arnaıy forým ótkizý josparlanǵan. Keleli basqosýda aýmaly-tókpeli álemdik jaǵdaılar eskerilgen asa mańyzdy máseleler qozǵalady degen oıdamyn. Qazir syn tezinen birinshiden, ultaralyq qarym-qatynastar ótetini aıan. Sondyqtan, turaqtylyq pen kelisimdi saqtaýda jańa lep beretin bastamalar, elimizdiń qaýipsizdigi, tilderdiń damýy men qazaqstannyń jalpyhalyqtyq ıdeıasy jan-jaqty talqylanady degen oıdamyn.
Atap ótetin jaıt, elimizdegi qoǵamdyq saıası turaqtylyqty qamtamasyz etýge baǵyttalǵan ınstıtýttyń álemde balamasy joq. Kóptegen elder bizden osy tusta úlgi ala bastady. Meniń oıymsha, túrli ult ókilderin biriktiretin arnaıy oshaq, biregeı model búkil álemge qajet-aq. Ekstremıstik pıǵyldaǵy oqıǵalardy bastan keshken álem elderi qazirgi tańda ultaralyq kelisimdi saqtaýǵa múddeli. Qazaqstan bolsa, etnosaralyq qarym-qatynastarǵa qatysty mol tájirıbeni jınaqtady. Endi barshamyzdyń aldymyzda turǵan maqsat sol tájirıbeni nyǵaıtýmen qatar, etnosaralyq tózimdilik pen qoǵamdyq kelisimniń qazaqstandyq biregeı modelin odan ári nasıhattaý», - dedi sarapshy.
