Elimizdegi kınologtardyń sertıfıkatsııalyq synaqtary Túrkistan oblysynda ótýde
TÚRKІSTAN. QazAqparat - Túrkistan oblysyndaǵy Birkólik shatqalynda elimizdegi jedel-qutqarý jasaqtary kınologııalyq esepteriniń sertıfıkatsııalyq synaqtary bastaldy. Biliktilikti rastaý úshin Almaty men Shymkent qalalarynyń, Almaty, Jambyl, Mańǵystaý oblystarynyń jedel-qutqarý jasaqtary qatysýda, dep habarlaıdy QazAqparat tilshisi.
QR ІІM Tótenshe jaǵdaılar komıteti uıymdastyrǵan synaqqa sondaı-aq Respýblıkalyq, Batys, Ońtústik ónirlik aeromobıldi jedel-qutqarý jasaqtarynyń 19 kınologııalyq toptary keldi. Olar labradorlar, nemis, belgııalyq ovcharkalar jáne basqa ıtterimen izdestirý-qutqarý sheberlikterin kórsetti. Sharaǵa kóptegen izdestirý-qutqarý operatsııalaryna qatysqan tájirıbeli qutqarýshylar qatysty. Іz kesýshiler úsh kezeńnen turatyn synaqtardan ótti. Birinshi kúni kınolog-qutqarýshylar jáne olardyń tórt aıaqty kómekshileri «Tyńdaýdy jáne eptilikti tekserý» kezeńinen ótti. Synaqtardyń birinshi kezeńinen sátti ótkender kelesi kúnderi tabıǵı jáne tehnogendik ortada izdestirý-qutqarý jumystarynyń kezeńderine kirisedi. Synaqtardan ótýdi quramynda eńbek ótili mol tájirıbeli kınologtar men mamandar bar sertıfıkatsııalyq komıssııa baǵalaıdy.
Aıta keteıik, kınologtardyń synaqtary 20 qazanǵa deıin jalǵasady.
