Elimizdegi qazaq tildi habarlar sany artady
ANA. 25 mamyr. QazAqparat /Aıdar Ospanalıev/ - Eldegi tele jáne radıoarnalardyń qyzmetine júrgizilgen reıtıng júıesi olardyń qyzmetiniń talapqa saı emestigin kórsetti.
Bul týraly búgin Astanada ótip jatqan Bas redaktorlar klýby forýmynda Baılanys jáne aqparat mınıstri Asqar Jumaǵalıev aıtty.
Mınıstrdiń sózine qaraǵanda, aldaǵy ýaqytta elimizdegi qazaq tildi habarlar sany artady. «Sondaı-aq biz qazir teleradıokeshen salý máselesimen de aınalysýdamyz. Osy shara arqyly biz eldegi barlyq telearnalardyń qajettilikterin qanaǵattandyramyz. Bul tek memlekettik arnalarǵa ǵana emes, jekelegen arnalarǵa da qatysty aıtylǵan sóz. Óıtkeni teleradıokeshenderdegi beınesıýjetter nemese teleserıaldar túsirýge arnalǵan aýmaqtar jekelegen telearnalarǵa óte tómen baǵamen jalǵa beriledi. Mundaı keshender bizdiń Reseı sııaqty alyp eldermen básekeles bolýymyzǵa da yqpal etedi»,-dedi mınıstr.
