Elimizdegi qaterli isikke shaldyqqandardyń sany statıstıka málimetterinen anaǵurlym kóp - «Ulttyq medıtsınalyq holdıng» AQ basqarma tóraǵasy
ASTANA. QazAqparat - Dúnıejúzilik densaýlyq saqtaý uıymynyń (DDSU) málimetteri boıynsha, Qazaqstanda jyl saıyn qaterli isik aýrýyna shaldyqqan 27 myńnan astam adam tirkeledi.
Alaıda naqty mundaı aýrýǵa shaldyqqandardyń sany resmı derekten áldeqaıda joǵary. Bul týraly búgin Astanada ótken onlaın-máslıhatta «Ulttyq medıtsınalyq holdıng» AQ basqarma tóraǵasy Kennet Álibek málimdedi.
Onyń aıtýynsha, elimizde tek bir jylda qaterli isikke shaldyqqan adamdardyń sany 30 myńnan asyp jyǵylady.
«Al jer sharynyń halqy týraly aıtqan kezde, bul kórsetkish mıllıondaǵan adamdarǵa jetedi», - dep atap ótti ol.
Onyń aıtýynsha, osy másele boıynsha statıstıkalyq derekterdi júrgizý áli de bolsa birizdendirilgen joq. Sondyqtan, qaterli isikke shaldyqqan adamdardyń sany statıstıkalyq málimette keltirilgen derekterden áldeqaıda kóp.
