Elimizdegi kásiporyndar bıyl 1,6 mln tonna un óndirdi
Aýyl sharýashylyǵy mınıstrligi baspasóz qyzmetiniń málimetinshe, eksportqa 762,4 myń tonna un jiberilgen. Aýǵanstan, Ózbekstan, Tájikstan, Túrkimenstan jáne Reseı otandyq ónimniń dástúrli satyp alýshylary bolyp qala beredi. Sonymen qatar 2022 jyldyń qorytyndysy boıynsha Izraıl, Irak, BAÁ jáne Túrkııa sııaqty elderge un ótkizý naryǵy keńeıdi.
Statıstıkaǵa sáıkes, bıyl shildede un baǵasynyń tómendeýi baıqaldy. Óndirýshilerdiń ónimi tonnasyna 170,8 myń teńgeden 168,7 myń teńgege deıin arzandady. Bul rette kóterme baǵa bir keli úshin 245 teńgeden 240 teńgege deıin tómendedi. Sońǵy tutynýshy úshin bólshek saýdada bir keli unnyń baǵasy orta eseppen 232 teńge.
Aıta keteıik, un tartý salasynda búginde jalpy qýaty jylyna 9,3 mln tonna astyq óndire alatyn 270-ke jýyq kásiporyn jumys isteıdi.
2022 jyly úsh jyldyq quldyraýdan keıin eldegi un óndirý rekordtyq kórsetkishterge jetip, qazaqstandyq naryqqa 3,4 mln tonna ónim tústi. Otandyq un óndirisiniń kólemi eldiń ishki tutyný kórsetkishinen 2,2 ese kóp: jylyna shamamen 1,5 mln tonna.