Elimizdegi iri ınvestorlar marapattaldy

ASTANA. QazAqparat - Qazaqstandaǵy ınvestıtsııalyq belsendiligi úshin dásúrli sheteldik ınvestorlardy marapattaý rásimi  Astanada bıyl tórtinshi ret ótti, dep habarlaıdy «QazAqparat» HAA tilshisi.

Saltanatty sharany QR Investıtsııalar  jáne damý vıtse-mınıstri Erlan Haırov ashyp, Qazaqstan el bolyp eńse kótergen ýaqyttan  beri ınvestorlarǵa qolaıly jaǵdaı týdyryp kele jatqanyn aıtty.

«Qazaqstanda sońǵy 12 jyl kóleminde ınvestklımatty jaqsartý jumystary jaqsy jolǵa qoıylǵan. Osynyń arqasynda, elimizge quıylǵan sheteldik ınaestıtsııa kólemi 250 mlrd AQSh dollaryn qurady», - dedi Erlan Haırov.

Saltanatty sharada Kıpr, Japonııa, Qytaı, Reseı jáne  Polshanyń elimizdegi bes iri kompanııasy marapattaldy. Olar agroónerkásip kesheni, óńdeý, logıstıkalyq ınfraqurylym, metallýrgııa jáne farmatsevtıka salalarynda tabysty eńbek etip keledi.