Elimizdegi ınflıatsııa deńgeıi jyl basynan beri 2,4 paıyzdy qurady - Ulttyq bank

ASTANA. 14 maýsym. QazAqparat - Jyl basynan beri ınflıatsııa deńgeıi 2,4 paıyzdy qurady. Búgin QR Parlamenti Senatynyń jalpy otyrysynda 2011 jylǵy respýblıkalyq bıýdjettiń atqarylýy týraly esepti talqylaý barysynda QR Ulttyq bank tóraǵasynyń orynbasary Bısenǵalı Tájiıaqov osylaı málim etti.

«2011 jyldyń birinshi toqsanynda ınflıatsııa úderisiniń kúsheıýine qaramastan jalpy jyldyq ınflıatsııa deńgeıi 7,4 paıyz shamasynda turaqtady. Bul Ulttyq banktiń belgilengen dálizine tolyq sáıkes kelip otyr. Sonymen qatar, ınflıatsııa deńgeıiniń tómendeý kórsetkishi bıyl da baıqalady», - deıdi Bısenǵalı Tájiıaqov.  Onyń aıtýynsha, 2012 jyldyń mamyr aıynda ınflıatsııa 5 paıyzdy qurasa, byltyrǵy jyldyń osy kezeńinde bul kórsetkish 7,4 paıyzdy quraǵan edi.

«Al jyldyń basynan beri ınflıatsııa kórsetkishi 2,4 paıyzdy qurap otyr. Osyndaı jaǵdaıǵa oraı qaıta qarjylandyrýdyń resmı stavkasy sońǵy bes aıda úsh ret tómendedi», - dedi Ulttyq bank tóraǵasynyń orynbasary.