Elimizdegi halyqtyń 55 paıyzy Reseıdiń aqparattyq keńistigi aıasynan shyqpaı otyr - K. Másimov
ASTANA. Qazannyń 29-y. QazAqparat /Arman Asqarov/ - Aǵymdaǵy aıdyń sońynda Reseı men Qazaqstan ortaq kedendik odaq aıasynda jumys istemek. Kelesi kezekte osy eki eldiń biryńǵaı ekonomıkalyq keńistigi qalyptasady.
Bul týraly búgin Astanada bastalǵan «Elektrondy Úkimettiń bastamalary» tórtinshi halyqaralyq konferentsııasy barysynda QR Premer-Mınıstri Kárim Másimov aıtty, dep habarlaıdy QazAqparat.
«Shyny kerek, qazirdiń ózinde biz bir aqparattyq keńistikte ómir súrip kelemiz. Sotsıolog sarapshylardyń zertteýleri boıynsha, el halqynyń 55 paıyzy Reseıdiń aqparattyq keńistiginen shyqpaı otyr. Bul, árıne bireýler úshin qýanyshty jaǵdaı. Biraq básekelestik zańdaryna sáıkes biz osy kórermen aýdıtorııasy úshin kúresýimiz qajet. Internet, teledıdar jáne buqaralyq aqparat quraldarynyń basqa da salalary boıynsha reseılik kórermenderdi ózimizge qaratyp alýǵa tıispiz», dedi K. Másimov.
