Elimizdegi epıdemıologııalyq jaǵdaı turaqty - DSM
ASTANA. 11 shilde. QazAqparat - Elimizdegi epıdemıologııalyq jaǵdaı turaqty. Bul týraly Qazaqstan Respýblıkasy Densaýlyq saqtaý mınıstrliginiń baspasóz qyzmeti habarlady.
Baspasóz baıanynda habarlanǵanyndaı, ártúrli indetter men syrqattardyń órshýi tirkelgen joq.
2011 jyldyń birinshi jarty jyldyǵynda tyrysqaq, oba, týlıaremııa, qylaý, dıfterııa, polıomıelıt, trıhenellez, aýsyl aýrýlary tirkelgen joq.
2010 jyldyń sáıkes kezeńimen salystyrǵanda botýlızmmen syrqattanýshylyq - 4,3 esege, kúıdirgige ushyraý - 2 esege, salmonellezben syrqattaný- 35,6 %-ǵa, vırýstyq gepatıt - 30,1%-ǵa, onyń ishinde «A» vırýstyq gepatıti - 31,1 %,-ǵa, «V» vırýstyq gepatıti - 26,5%-ǵa, rotavırýstyq ınfektsııa - 26,6%-ǵa, qyshyma - 19,7%-ǵa, saryp - 15,7%-ǵa, bakterıaldyq dızenterııa - 15,0%-ǵa, ishek ınfektsııalary -13,1%-ǵa, tynys alý organdary týberkýlezi -11,7%-ǵa, ehınokokkoz - 8,9%-ǵa, AITV ınfektsııasyn juqtyrý -5,8%-ǵa tómendegeni baıqalady.
Júrgizilgen profılaktıkalyq is-sharalardyń nátıjesinde elimizdiń óńirlerinde aǵymdaǵy jyly ótken jyldyń sáıkes kezeńimen salystyrǵanda kongo-qyrym gemorragııalyq qyzbasymen (KQGQ) halyqtyń syrqattanýshylyǵy 2,8 esege tómendegeni baıqalady.
Aǵymdaǵy jyldyń 11 shildesindegi jaǵdaı boıynsha elimizde KQGQ-nyń 6 jaǵdaıy tirkelgen (2010 jyly - 17 jaǵdaı).
Qazaqstannyń Keden odaǵyna kirýine baılanysty syrtqy shekarany sanıtarııalyq qorǵaý kúsheıtildi.
