Elimizdegi energııa kózderi qoımalarynda qansha kómir jınaldy

NUR-SULTAN. QazAqparat – Energııa kózderi qoımalaryndaǵy kómir qory 4 mln tonna kómirdi qurady. Búgin Úkimet otyrysynda QR Energetıka birinshi vıtse-mınıstri Mahambet Dosmuhambetov osylaı milim etti, dep habarlaıdy QazAqparat tilshisi.

«19 qyrkúıektegi jaǵdaı boıynsha energııa kózderi qoımalarynda kómir qory 4 mln tonna kómirdi qurady, bul ótken jylǵy deńgeıden 15 paıyzǵa artyq. Budan bólek, 101,9 myń tonna mazýt jınaqtaldy, bul ótken jylǵy kórsetkishten 23 paıyzǵa artyq»,- dedi ol.

Sonymen qatar M. Dosmuhambetov búginde energııa óndirýshi uıymdardyń «QazTransGaz-Aımaq» AQ aldyndaǵy jalpy bereshegi 6,6 mlrd teńgege jetkenin atyp ótti. Sondaı-aq «Bogatyr Kómir» JShS aldynda jalpy somasy 239 mln teńge kómirge bereshek bar, onyń ishinde «Kókshetaý Jylý» MKK 46 mln teńge, «Sevkazenergo» AQ Petropavl JEO 64 mln teńge, «Stepnogor JEO» JShS 39 mln teńge, «Ekibastuz 2-MAES» AQ 90 mln teńge mólsherinde.

«Atalǵan oblystardyń ákimdikteri bereshekti óteý jóninde sharalar qabyldaýy qajet», - dedi ol.

Belgili bolǵandaı, Energetıka mınıstrigi qosylǵan qun salyǵy esebimen baǵasy 100 myń teńge 277 myń tonna kóleminde «áleýmettik» mazýtty jetkizý boıynsha kesteni bekitip, aımaqtarǵa joldandy.