Elimizdegi eńbekpen qamtý ortalyqtary reformalanatyn boldy
ASTANA. QazAqparat - Búgin Úkimet otyrysynda Premer-mınıstr Baqytjan Saǵyntaev Eńbek jáne halyqty áleýmettik qorǵaý mınıstrligi men ákimdikterge eńbekpen qamtý ortalyqtaryn reformalaýdy tapsyrdy, dep habarlaıdy QazAqparat.
«Prezıdent eńbek naryǵyn jańǵyrtý kerek degen keshendi mindet qoıdy. Jańa tehnologııadardyń enýimen eńbek resýrstary bosap qalady. Bul jerde júıe qurýshy kásiporyndarmen baılanys ornatý kerek. Ákimderge jergilikti iri kásiporyndarmen birge jol kartasyn ázirleýdi tapsyramyn»,-dedi Saǵyntaev Úkimet otyrysynda.
Úkimet basshysy sondaı-aq, elimizdegi eńbekpen qamtý ortalyqtarynyń barlyǵyn reformalaý kerek degen mindetti alǵa tartty.
«Eńbek jáne halyqty áleýmettik qorǵaý mınıstrligine ákimdiktermen birlese otyryp, eńbekpen qamtý ortalyqtaryn reformalaýdy tapsyramyn jáne de búkil bos jumys oryndaryn bir onlaın-platformaǵa biriktirý kerek»,-dedi Saǵyntaev Úkimet otyrysynda.
