Elimizdegi eń uzyn velojol Óskemende salynady
ASTANA. QazAqparat - Óskemende respýblıka boıynsha eń uzyn velosıped joly salynady. Ol №19 yqshamaýdan men qalanyń ortalyǵyn jalǵaıdy, dep habarlaıdy Altaınıýs.
Budan bólek Sátpaev dańǵyly boıymen júgirýge arnalǵan jol da salynady. Ol da elimizdegi eń uzyn jol bolmaq.
«Baıqaısyzdar ma, Ertis jaǵalaýynda mundaı velo jáne júgirý joldary bolmaǵanda ol jerde eshkim júrmeıtin. Al qazir qandaı boldy? Tańǵy saǵat 6-dan bastap sportpen shuǵyldanǵandardy kóresiz», - dedi oblys ákimi Danıal Ahmetov.
Sondaı-aq, Sátpaev dańǵyly boıynan 14 sport alańyn da ashý josparlanǵan.
