Elimizdegi eń uzyn kóshege jastar aǵash otyrǵyzdy
TALDYQORǴAN. QazAqparat - Almaty oblysy Tekeli qalasynyń jastary Elbasynyń eldi-mekenderdi kógaldandyrý tapsyrmasyn oryndaý maqsatynda elimizdegi eń uzyn kóshege kóshetter otyrǵyza bastady. Kenshiler qalashyǵyndaǵy Qonaev kóshesiniń uzyndyǵy 33 shaqyrym, dep habarlaıdy QazAqparat tilshisi.
Tekelilik jastar Jastar jylyn ıgi isten bastady. Olar qala kireberisine qylqan japyraqty aǵashtardyń 60-tan astam kóshetin otyrǵyzdy.
Bastamany qoldaýǵa qala turǵyndary, memlekettik qyzmetter men shahar ákimi Baqtııar Ónerbaev keldi. Aıta ketý kerek Gınnestiń rekordtar kitabyna engen Tekeli qalasyndaǵy Qonaev kóshesiniń uzyndyǵy 33 shaqyrym. 100-ge jýyq túp qaraǵaı bolashaqta qalaǵa kórik berip, jastardyń seıil quratyn ornyna aınalatyn bolady. Mamandardyń aıtýynsha qańtar, aqpan aılary qylqan japyraqty ósimdikterdiń kóshetterin otyrǵyzýǵa qolaıly merzim. 
«Bıyl Tekeli qalasynda jastar alleıasy ashylady. Bul qaraǵaılar sol jum
ystardyń bastamasy dep bilemiz. Qalamyzdyń órkendeýine osylaı úles qosýǵa árdaıym daıynbyz», deıdi jas maman Syrymbek Batyrbekov.
Al qala basshysy Baqtııar Ónerbaevtyń aıtýynsha, jas kóshetter otyrǵyzylǵan aýmaq tolyǵymen abattandyrylady. Jaıaý júrginshilerge arnalǵan trotýar salynyp, kóshe boıyna aryq júrgiziledi.
