Elimizdegi eń tómen para Ońtústik Qazaqstan oblysynda

ASTANA. QazAqparat - 2016 jylǵy «Delovoı klımat» reıtınginiń qorytyndysy boıynsha eń tómen para Ońtústik Qazaqstan oblysynda bolyp shyqty. Bul rette saýalnamaǵa qatysýshylar eń kóp sybaılas jemqorlyq jasaıtyndar keden organdary, ekonomıkalyq tergeý jáne kólik ınspektsııasy ekenin aıtqan, dep habarlady TVK telearnasy.

UKP zertteý nátıjesine sáıkes oblysta keden qyzmetterinde paranyń ortasha kólemi - 40-160 myń teńge, al ekonomıkalyq tergeý qyzmetterinde - 195 myń teńgege deıin. Salyq organdarynda para 14-97 myń teńge, al kólik baqylaý qyzmetinde - 28-115 myń teńge kóleminde túrlenedi. Tutastaı bul Qazaqstan boıynsha paranyń ortasha deńgeıinen 2-3 esege tómen.

Bıznesmenderdi sybaılas jemqorlyq shemaǵa júginýine ıtermeleıtin negizgi faktorlar -  memlekettik organdar tarapynan túrli talaptar sanynyń kóptigi, tóreshildik, lıtsenzııalar baǵasynyń joǵarylyǵy, ótinishterdi qaraý merzimderiniń uzaqtyǵy, jıi tekserister men kásipkerlerdiń zańdy buzǵany úshin jaýapkershilikten bas tartýy.