Elimizdegi elevatorlardyń jalpy syıymdylyǵy 15 mln. tonnaǵa deıin jetkiziledi
ASTANA. 23 mamyr. QazAqparat /Arman Asqarov/ - Respýblıkadaǵy elevatorlardyń jalpy syıymdylyǵyn 15 mln. tonnaǵa deıin jetkizý kózdelip otyr.
Bul týraly búgin Astanada ótken baspasóz máslıhatynda QR QR Aýyl sharýashylyǵy vıtse-mınıstri Saqtash Hasenov málim etti.
Onyń habarlaýynsha, búgingi tańda respýblıkada lıtsenzııalanǵan 223 elevator bar. Olardyń jalpy syıymdylyǵy - 13,5 mln. tonna. «Árıne, astyq mol jınalatyn jyldary elevatorlardyń jetispeýshiligi seziledi. Oǵan qosa, elimizde bar elevatorlardyń basym bóligi sonaý Keńes ókimeti kezinde salynǵandyqtan, qazirgi kezde olardyń materıaldyq-tehnıkalyq jaǵdaıy syn kótermeıdi. Osyny eskere otyryp, aldaǵy ýaqytta elevtorlardyń jalpy syıymdylyǵyn 15 mln. tonaǵa deıin jetkizý josparlanyp otyr», - deıdi S.Hasenov.
Vıtse-mınıstrdiń sózine qaraǵanda, elevatorlar jeke kásipkerlerdiń qolynda qala bermek.
