Elimizdegi elektr jelileriniń 50% astamy tozǵan
«Qazaqstanda elektr jelileriniń tozýy 50-55%-dan asady. Jalpy, elektr energetıkasy salasy kapıtaldy kóp qajet etedi, onyń ótemi men ınvestıtsııalar uzaq merzimdi bolýy kerek. Elektr óndiretin kásiporyndar shyǵaratyn ónimniń baǵasy memleket tarapynan retteledi, erkin naryqta satylmaıdy. Sondyqtan bul salaǵa ınvestorlardy tartý ońaı emes», - dedi Murat Júrebekov Ortalyq kommýnıkatsııalar qyzmetinde.
Sonymen birge, spıker elektr jelilerine ınvestıtsııalar ákelý múmkindikteri týraly aıtty.
«Eger biz elektr energııasyn óndirýdi ulǵaıtatyn bolsaq, bizge jańa jelilerdi jańǵyrtý kerek jáne salý qajet bolady. Bul óte qajet. Tıisinshe, ınvestıtsııalar men bizdiń jeliniń sapasyn jaqsartý arasynda tikeleı baılanys bar», - depıdi M. Júrebekov.
Buǵan deıin QR Ekologııa, geologııa jáne tabıǵı resýrstar mınıstri Serikqalı Brekeshev te energetıkalyq sektordy damytýǵa 205 mlrd dollar ınvestıtsııa qajet ekenin aıtqan edi.
